XIV "Җиңү Салюты" район фестивале

Район мәдәният сарае "Яшьлектә" "Җиңү Салюты" XIV район фестивале концерты узды. Программада бюджет һәм башка учреждение коллективлары башкаруында сугыш темасына багышланган һәм заманча җырлар яңгырады. Югары профессиональ әзерлекле ДШИ ның татар халык инструменталь ансамбле, С.Гассар исемдәге Мәдәният йортының "Талларым" вокаль ансамбле чыгыш ясадылар.
"Кама таңнары" приютының рус баһадирлары образындагы ирләр триосы, социаль яклау үзәге үзешчәннәренең чыгышлары бик хисләндерде . Приют тәрбиячесе Марина Куликова Бөек Җиңүгә багышланган үзе язган шигыре белән чыгыш ясады. Гульнара Шаймарданова, Павел Дудаков, Данияр Кабиров, Марина Комарова үзләренең чыгышлары белән тамашачыларны таң калдырды. Бик уңышлы инструменталь жанрда "Сатори" клубы укучылары һәм "Мастер" клубы укучылары брейк-данс биюләре күрсәттеләр.
Концерт программасында Владимир һәм Руслан Аничкиннар катнашты, ДШИ дан Анна Прохоренко һәм Лилия Дождикова "Мәхәббәт һәм Сугыш" музыкаль-пластик этюдын күрсәттеләр. Шулай ук концертта "Менделеев яңалыклары" газетасы редакциясеннән, казначействадан, СОК "Химик"тан, боз сараеннан хезмәткәрләр катнашты. Концертны Рәкыйга Стрелкова һәм Виктор Никифоровлар алып бардылар.
Концерт азагында Алия Абрамова үзенең җырын башкарды һәм барлык катнашучылар сәхнәгә чыктылар. Район җитәкчесе урынбасары Владимир Фролов катнашучыларга югары бәя бирде һәм иҗади уңышлар теләде