“Нептун” Идарә итүче компаниясе хәбәр итә

2015 елның 15 мартыннан “Нептун” җаваплылыгы чикле җәмгыяте суд приставлары белән берлектә Пушкин урамының 5нче йортында яшәүче торак-коммуналь түләүләр өчен бурычлы гражданнар буенча күзәтү ясады. Күзәтү барышында шәхси исәп приборлары күрсәткечләрен вакытында хәбәр итмәүчеләр барлыгы ачыкланды,шул рәвешле аларга коммуналь түләүләргә норматив күрсәткечләр буенча хисап ясалуы мәгълүм.
Торак коммуналь хезмәтләргә бурычлылар белән әңгәмә үткәрелде,аз керемле гаиләләр буларак социаль ярдәм (субсидия) алу өчен алар “Нептун” ҖЧҖ кә килешүне үзгәртеп төзү өчен чакыру алды.
Суд приставлары Пушкин урамындагы йортның 41 нче фатирында яшәүче фатир хуҗасының милкен( ЖК телевизор һәм ноутбук ) тартып алдылар. Аның бурычы 100 000 сумнан артык.
26 март көнне 14.00 сәгатьтә “Нептун +” ҖЧҖ вәкилләре,йорт комитеты рәисе, полициянең участок вәкиле, ТР Менделеевск районы суд приставы хезмәткәрләре һәм 2 шаһит катнашында авария булган,ТР Менделеевск шәһәре, Юбилей урамы 1нче йорт ,96 фатир адресы буенча урнашкан фатирны ачып керделәр һәм торакны тикшерделәр.
Күзәтү барышында кайнар һәм салкын суүткәргечләрнең төзек булмавы,юыну бүлмәсе һәм бәдрәфтә су агып ятуы, бу хәлнең гомумторак кулланган су исәбенә йогынты ясавы ачыкланды.Хәзерге вакытта авария кимчелекләре бетерелде.