“Әнием – кояшым”

“Алёнушка” исемендәге 6 нчы балалар бакчасында II региональ  “Әнием – кояшым” видеокотлауларның финал конкурсы узды. Читтән торып катнашу этабында  Мамадыш, Алабуга, Яр Чаллы, Түбән Кама, Әгерҗе, Тукай һәм Менделеевск районнарыннан 370 укучы катнашты. Балалар тәрбиячеләре белән берлектә иң якын кешеләре – әниләре турында проект төзеделәр. Балалар бакчасы мөдире  Сагдеева Ф. мондый конкурсларның әниләргә хөрмәт һәм мәхәббәт тәрбияләүдә әһәмияте зур икәненә басым ясады.

Гран-прига:

- “Прозада  иң яхшы котлаучы” номинациясе буенча  Ангелина Чернобровкина (2 нче номерлы “Әкият” балалар бакчасы);

- “Ана телендә иң яхшы котлаучы” номинациясе буенча  Азалия Авхадиева, Максим Клюшенков, Ксения Никандрова (12 нче номерлы “Крепыш” балалар бакчасы);

- “Иң үзенчәлекле котлау” номинациясе буенча Смирнов Богдан һәм Радмир (8 нче номерлы “Сандугачым” балалар бакчасы) лаек булды. Барлык катнашучыларга да бүләк сертификатлары тапшырылды.