ЯҢАЛЫКЛАР

Татарстанда яшәүче һәркем үзен кызыксындырган сорауларны телефон яки WhatsApp аша бирә ала.

2018 ел башыннан республикада арендалы торак программасы буенча 63 йорт файдалануга тапшырылган.

Ел ахырына кадәр Татарстанда 21 квадрат метрлы 119 йорт файдалануга тапшырылачак һәм арендалы торак йортлар саны 284 булачак. Бу хакта «Татар-информ» агентлыгына ТР Төзелеш, архитектура һәм торак-коммуналь хуҗалык министрлыгының матбугат хезмәтеннән хәбәр иттеләр.

Ел башыннан алып Татарстанның Әлки, Апас, Югары Ослан, Саба һәм Минзәлә районнарында 63 арендалы йорт төзелгән. Аларның гомуми мәйданы 6,8 мең квадрат метр тәшкил итә.

«Быел республикада гомуми мәйданы 28,7 мең квадрат метр тәшкил иткән 545 фатирлы 182 торак йорт файдалануга тапшырылачак. Шулардан 365 фатирлы 3 торак йорт Иннополиста сафка басачак», - диделәр министрлыкның матбугат хезмәтендә.

Бүгенге көндә Иннополиста гомуми мәйданы 2 264 квадрат метр тәшкил иткән 48 фатирлы торак йорт файдалануга тапшырылган инде. Калган ике йортта әле эш дәвам итә.

Татарстанда арендалы торак программасы 2010 елдан гамәлгә ашырыла. Сигез ел эчендә республикада 2 177 фатирлы 102 арендалы йорт төзелгән. Барлык йортлар да тиешле җиһазлар һәм техника белән тәэмин ителгән.

Бу хакта тулырак: https://tatar-inform.tatar/news/2018/10/22/173840/

2018 ел ахырында Татарстан авылларында 44 яңа фельдшер-акушерлык пункты ачылачак.

Татарстанда 2018 ел ахырына кадәр фельдшер-акушерлык пунктлары саны 457гә җитәчәк. Бу хакта «Татар-информ» агентлыгына ТР Төзелеш, архитектура һәм торак-коммуналь хуҗалык министрлыгы матбугат хезмәтеннән хәбәр иттеләр.

Туристлар Казан Кремленнән ешрак бары тик Мәскәүдә Кызыл мәйданда һәм Санкт-Петербургның тарихи өлешендә булалар.

“Аналог”тан “цифрлы”га бөтенләй күчеп бетү 2019 елның 14-15 гыйнварында көтелә.

2018 елда республикада барлыгы 112 белем бирү учреждениесендә капиталь ремонт эшләре башкарылачак.

Илнар Гыйрфанов фикеренчә, идарәчеләр конкурсы уңайлылык зонасыннан чыгып, үзеңне табарга мөмкинлек бирә.

Kazinform һәм “Татар-информ” агентлыклары хезмәттәшлеге турында меморандум имзалануы көтелә.

27 октябрьдә «Казан» Гаилә үзәге янындагы мәйданда югары пилотаж төркеме үз осталыкларын күрсәтәчәк.

Республикада балалар һәм яшьләр иҗтимагый берләшмәләренең 140 активисты һәм җитәкчесе “Ел лидеры” исеме өчен көрәшәчәк.