Информация о селе

Камай авыл җирлеге

Менделеевск муниципаль районы

Татарстан Республикасы Президенты

Камай авыл җирлегенә  1 торак пункт - Камай авылы керә. Менделеевск районындагы Камай (Камаево) татар авылы. Менделеевск шәһәреннән 14 км ераклыкта Возжайка елгасында урнашкан. Эшчәнлекнең төп төрләре - авыл хуҗалыгы, үсемлекчелек, терлекчелек.

Халык саны - 406 кеше, барлыгы 186 хуҗалык исәпләнә.Милли состав: татарлар - 81%, руслар - 8%, марилар - 5%, башкалары (керәшеннәр, удмуртлар, башкортлар, азәрбайҗаннар) - 6%.

Җирлек башлыгы (Башкарма комитет җитәкчесе вазыйфасын башкаручы) - Ахунҗанов Илнар Мөхәммәтнур улы. Җирлек башлыгын сайлау буенча өстәмә сайлаулар 2023 елның 10 сентябрендә узачак.

Авыл җирлегендә социаль объектлар бар: “Камай төп гомуми белем бирү мәктәбе” муниципаль бюджет белем бирү учреждениесе, анда 21 укучы белем ала, “Чулпан” балалар бакчасы (8 бала йөри), күп функцияле үзәк (анда авыл мәдәният йорты, җирлек башкарма комитеты, китапханә урнашкан), ФАП, 1 кибет, элемтә бүлеге.

Камай авылы территориясендә Яр Чаллы сәүдә базасы кибете, известьташ карьеры, таштан (вакланганда) известьташ чыгаралар, «Агрохим +» ҖЧҖ, «Әхмәтов Н.Н.» ҖЧҖ карьеры. Әхмәдов М. огланың «Каменный замок» автозаправкасы бар.

Камай авылы үзенең талантлы кешеләре белән дан тота. Шулар арасында: артистлар, Вафирә Гыйззәтуллина - Татарстан АССР һәм Каракалпак АССРның халык артисты, РСФСРның атказанган артисткасы, Рәмзия Зиннәтуллина - Татарстан Республикасының атказанган артисткасы, билбау көрәше буенча дөнья чемпионы, «Һөнәре буенча иң яхшы» һөнәри осталык конкурсында, WorldSkills милли чемпионатында һәм республика конкурсларында җиңүчеләр.

Камай җирлеге территориясендә 7 крестьян-фермер хуҗалыгы эшчәнлек алып бара. Хәйриев һәм Әһлиевларның гаилә династияләре Камай авылы горурлыгы булып тора.

Әһлиевлар:

КФХга нигез салучы булып Әһлиев Динар Рәис улы тора, ул Казан дәүләт авыл хуҗалыгы академиясен тәмамлаганнан соң хезмәт эшчәнлеген башлаган, 2004 елда туган Камай авылында үзенең крестьян (фермер) хуҗалыгын ачкан. Аннары җитештерү-хуҗалык эшчәнлеген КФХ сыйфатында әтисе Рәис Мөхәммәтдин улы да (Менделеевск муниципаль районының Мактаулы гражданины - 2023 елда), абыйлы-энеле Эльнар һәм Риналь да теркәгән. Хуҗалыкта эшләү чорында (19 ел) 154 гектар чәчүлек мәйданы 2004 гектарга кадәр артты.

2016 елда Әһлиев Динар Рәис улы «Татарстан Республикасында гаилә (терлекчелек) фермаларын үстерү» программасы буенча Татарстан Республикасы авыл хуҗалыгы һәм азык-төлек министрлыгы линиясе буенча конкурста катнашты һәм 100 баш сыерга исәпләнгән яңа сыер абзары төзү өчен 3000000 сум күләмендә Грант отты. Бүгенге көндә крестьян-фермер хуҗалыгында 185 баш эре мөгезле терлек бар, шул исәптән 105 баш сөт бирә торган сыер   Шулай ук 100 башка  яңа бозау абзары төзелә.

2022 елда «Әһлиевлар» КФХ «20/80» Татарстан Республикасы Президенты программасы буенча  66 баш тана сатып алганнар.

Хәйриеевлар:

Хәйриев Илнур Рәвил улы КФХларны 2011 елда теркәгән, анда ата-аналары белән берлектә эшчәнлек оештырган. Әтисе Рәвил Габделхак улы 1990-2000 елларда Камай авылында авыл хуҗалыгы предприятиесен җитәкләгән, улына хуҗалыкны оештырырга ярдәм иткән (2021 елда үлгән). Әнисе Әлфия Сафиулла кызы - Татарстан Республикасының атказанган авыл хуҗалыгы хезмәткәре эшчәнлек алып баруда булыша.

2023 елның 1 августына хуҗалыкта 200 баш эре мөгезле терлек бар, шул исәптән сөтчелек юнәлешендә 100 баш сыер. 

2011 елда Хәйриев И.Р. «Гаилә терлекчелек фермаларын үстерү» республика конкурсында 700 мең сум грант откан һәм 24 баш эре мөгезле терлеккә исәпләнгән ферма төзегән; 2021 елда - 15 миллион сум күләмендә грант. 2022 елның 4 кварталында 100 баш сыерга исәпләнгән «Елочка» саву залы 16 башка исәпләнгән сыер абзары файдалануга тапшырылган, шулай ук «20/80» Татарстан Республикасы Президенты программасы буенча  таналар сатып алган.

Хәйриев Илнур Рәвил улы шулай ук Камай авылының социаль үсешендә актив катнаша, ел саен уздырыла торган мәдәни чараларны оештыру һәм уздыру өчен хәйрия ярдәме күрсәтә.

Без, Камай авылында яшәүчеләр республика җитәкчелегенә, хөкүмәткә, безнең район җитәкчелегенә проблемаларыбызны аңлаганнары өчен рәхмәтлебез. Ә без үз эшебезне ачык итеп төзергә тырышырбыз һәм халыкның тормыш сыйфаты өчен аерым җаваплылык тоябыз.

Соңгы яңарту: 2023 елның 8 августы, 09:27