Сәйтәк авыл клубы хәбәр итә

14 март- Халыкара елгалар көне билгеләп үтелә. Сәйтәк авыл клубы “Ләйсән” балалар бакчасы белән берлектә «Язгы мәрхәмәтлелек атнасы» ‒яхшы эшләр эстафетасы  #ДОБРЫЙ ТАТАРСТАН  #МӘРХӘМӘТЛЕ ТАТАРСТАН »  акциясе кысаларында, сулыкларга багышланган мәгълүмати  сәгать  уздырды. Балалар   зур кысыксыну белән “Елга турында әкият” дип исемләнгән презентация карадылар. Елганың кайдан барлыкка килүе һәм  су асты дөньясы белән  кызыксынып таныштылар.  Кешеләрнең су чыганакларына мөнәсәбәтләрен ачыкладылар. Кичәне оештыручы Гизатуллина Я.Г. балаларга сулыкларга сакчыл караш кирәклеген төшендерде. Кичә азагында су темасы буенча викторина уены оештырылды.