Әниегезне котларга онытмагыз.

Ноябрьнең соңгы якшәмбесендә без ел саен Әниләр бәйрәмен билгеләп үтәбез. Күпләребез әниләренә җылы сүзләр әйтәме? Безгә начар булган вакытта гына искә төшермибезме? Бәлки, туган көннәрендәдер, ә калган көннәрдә? Күптән түгел бу көн - Әниләр көне сизелмичә үтте, календарьда да ул күптән түгел генә пәйда булды. Әни булу җиңелме? Юк. Бу иң авыр хезмәт. Чөнки әни баласының физик халәте өчен генә түгел, ә аның күңеле өчен дә җавап бирә бит. Бәйрәм алдыннан 1нче мәктәп укучылары район үзәк хастаханәсе катнашында "әниеңне котларга онытма» дигән акция үткәрделәр. 5 нче сыйныф укучылары (сыйныф җитәкчеләре О.Н.Денисова, Г.А.Гайнетдинова) шәһәрдәшләргә чакыру-белешмәләр, суыткычка куела торган магнитлар тараттылар. Акцияне оештыручылар Менделеевск районында «Бердәм Россиянең Яшь Гвардиясе бөтенроссия иҗтимагый оешмасы” җитәкчесе Марат Гыймазетдинов, укыту-тәрбия эшләре буенча директор урынбасары Людмила Ярославцева, үзәк хастаханәнең баш табибы Оксана Бахматова билгеләп үткәнчә «...тормышыбызда яраткан беренче кеше - әлбәттә, әни. Бу мәхәббәт, иң табигый һәм риясыз, без гомер буе аны үзебез белән йөртәбез».