Балалар китапханәсе хәбәр итә

Балалар китапханәсендә №7, 10, 11 бакча балалары өчен язучы Н.Носовның “Күңелле балачак илендә” исемле бенефисы уздырылды. Чара Н.Носовның “Белмәмеш һәм аның дусларының маҗаралары” әсәре буенча танып-белү викторинасы буларак үтте.    

Балаларга кунакка  Белмәмеш (китапханәче Сырышева Т.Н.) үзе килде. Китапханәче Зеленцова А.В. балаларга шигъри табышмаклар әзерләде. Балалар сорауларга җаваплар табып, бергәләшеп чикерткә турында җыр җырладылар. №11 бакча балалары рәсемнәр ясап, “Белмәмеш һәм аның дусларының маҗаралары” әкиятеннән өзекләр ятлап килделәр. Соңыннан Белмәмеш турында мультфильм карап, китаплар белән таныштылар. Балаларга китапханәгә килү, китаплар белән очрашу бик ошый.