Шигъри кичә “Гомерем минем моңлы бер җыр иде”

16 нчы февральдә Тойгуҗа авылы китапханәчесе  Сафина А.А. патриот шагыйрь Муса Жәлилнең туган көне уңаеннан “Гомерем минем моңлы бер җыр иде”дигән шигъри кичә үткәрде.

Залдагылар шагыйрьнең тормышы, иҗаты белән танышкач, рус һәм татар телләрендә Бөек Ватан сугышына кадәр төрле темага язылган шигырьләрне дә, Моабит дәфтәрләрендәге патриотик шигырьләрен дә,  балалар өчен язылганнарын да, юмор хисе белән сугарылган шигырьләрен  дә ике телдә: рус һәм татар телләрендә сәнгатьле итеп укыдылар.  Балалар“Кызыл ромашка “шигыренә иллюстрация ясадылар.