Ачык ишекләр көне

27 май – Бөтенроссия китапханәләр көне уңаеннан, Татар китапханәсендә “Ачык ишекләр көне” үткәрелде.

7нче мәктәп укучылары өчен “Юбиляр журналлар” дигән мәгълүмат сәгате үткәрелде. Әлеге чара “Салават күпере” һәм “Ялкын” басмаларына – 95 яшь, ”Идел”гә 30яшь тулуга багышланды. Китап укучылар “Яңа китап – яңа ачыш” дигән күргәзмә белән танышып, яңа басмаларны укырга алдылар. “Бездән сорау – сездән җавап” викторина сорауларына дөрес җавап бирүчеләр, шулай ук, китаплар белән бүләкләнде. Букроссинг –сәяхәтче китап акциясендә катнашучылар да, үз китапханәләрен кирәкле басмалар белән баеттылар.