Юл кагыйдәләре буенча уен

21нче июнь көнне Камай авылы мәктәп яны лагерена йөрүче балалар өчен  юл кагыйдәләренә багышланган уен уздырылды. Әлеге чараның максаты: балалар катнашындагы юл – транспорт һәлакәтен профилактикалау; юл хәрәкәте билгеләрен, юл кагыйдәләрне искә төшерү һәм ныгыту иде.

Китапханәче Галимуллина Г.М. балаларга викторина сораулары, автомульти уены тәкъдим итте. Балалар “Светофорның өч төсе”, “Ярый -ярамый”, “Юл билгеләре” дигән конкурсларда актив катнаштылар, велосипедта йөрү буенча осталыкларын күрсәттеләр. Әлеге чарада катнашкан Менделеевск районы буенча ”Юл хәрәкәте куркынычсызлыгы" дәүләт учреждениесе башлыгы Гимаева Флюра Гарафутдиновна балаларга бүләкләр тапшырды.