Камай авылы китапханәчесе һәм мәдәният йорты хезмәткәрләре балалар өчен “Балачакның күңелле мизгелләре ” дигән уен программасы әзерләделәр. Балалар күмәк ярышларда катнаштылар. “ТАССРга 100 ел “ эгидасы астында флешмоб уздырылды. Әлеге чара мәчеттә чәй эчү һәм Ирек хәзрәтнең вәгазьләрен тыңлау белән тәмамланды.
Барлык сабыйларны бу якты бәйрәм белән котлап, исән-имин булуларын, әти-әниләрен тыңлап, тәртипле булуларын теләп калабыз! Илләр-көннәр тыныч булсын, баш өстендә аяз һава һәм кояшны кара болытлар капламасын иде!