Оештыру эшләре
Сәйтәк авыл клубында “Керәшен чибәре” бәйгесенең оештыру эшләре башланып китте. Бу көнне бәйгене оештыручы Сәйтәк авыл клубы хезмәткәрләре конкурсантлар белән очраштылар.Бәйгедә Алабуга ( Тойгуҗа авылы Мәдәният йорты тәкъдим итә),Менделеевск шәһәре, Сәйтәк авылы кызлары катнашачак.2 нче районкүләм бәйге кече яшьтән үк үзеңнен милләтеңә, туган телеңә мәхәббәт тәрбияләүне истә тотып , 10-16 яшьлек кызлар арасында уздырылачак. Проектның җитәкчесе Сәйтәк авылы клубы мөдире Гизатуллина Я.Г.бәйгенең максатлары , һәр турына аңлатма биреп, эш тәртибе белән таныштырды.Беренче очрашу көнендә үк , катнашучыларга бәйгенең файдалы һәм мавыктыргыч булырга тиешлеген истә тотып, “Керәшен җорты” музей бүлмәсендә Сәйтәк авылы тарихы, керәшен халкының тормыш-көнкүреш кирәк-яраклары белән таныштыру уздырылды..Проектның иҗади җитәкчесе Канипова М.И. конкурсантлар өчен бию буенча мастер класс уздырды.Бәйгене оештыручылар киләсе очрашуларга да кызлар өчен яңалыклар әзерлиләр.