Менделеевск районында ВПН-2020 үткәрү өчен йортларның адресларын актуальләштерү башланды.
2020 елгы Бөтенроссия халык санын алуны әзерләүнең, уздыруның Календар планы нигезендә, 2019 елның август-сентябрь айларында махсус сайланган регистраторлар авыл торак пунктлары һәм Менделеевск шәһәре территорияләрендә йортларның адреслары исемлекләрен актуальләштерү эшләрен үткәрү өчен йөриячәк. Регистраторлар территорияне урап уза һәм йортларга һәм фатирларга керми.
Регистратор бурычларына шулай ук адреслы хуҗалык торышын тикшерү дә керә (урам исемнәре, йорт номерлары белән күрсәткечләр булу). Шәһәр һәм авыл торак пунктларында йортларның адреслары исемлекләрен актуальләштерү һәм 2020 елгы Бөтенроссия халык санын алуны үткәрүнең оештыру планнарын төзү - бу ВПН-2020 үткәргәндә халыкны исәпкә алуның тулылыгын һәм сыйфатын тәэмин итү өчен кирәкле әзерлек эшләре. Йортларның адреслары исемлеге барлык торак пунктларда да актуальләштерелә, актуальләштерү нәтиҗәләре буенча барлык төгәлләштерүләр халык санын алу барышында халык санын алу тулылыгын тәэмин итү өчен һәр йорт, торак пункт буенча мәгълүматлар базасына кертеләчәк. Исемлекләрне актуальләштерү барышында алынган мәгълүмат 2020 елгы халык санын алуны үткәрүнең оештыру планын эшләү өчен нигез булып тора.
Бөтенроссия халык санын алуның төп максаты - ил халкының демографик һәм социаль-икътисадый характеристикаларын комплекста бәяләргә мөмкинлек бирә торган мәгълүмат алу. Халык санын алу нәтиҗәсендә алынган белешмәләр милли проектлар һәм дәүләт социаль программалары, шул исәптән илнең демографик үсеше нигезенә ятачак. Моннан тыш, ВПН-2020 мәгълүматлары халыкның тормыш сыйфатын яхшырту өчен нинди чаралар күрергә кирәклеген аңларга һәм социаль һәм икътисадый сәясәтнең төп юнәлешләрен демографик факторларны исәпкә алып төзәтергә мөмкинлек бирәчәк.