Татарстанда “Игътибар-балалар!” дигән профилактик чара старт ала
Балалар юл-транспорт травматизмын булдырмау һәм 2019 елның 26 августыннан 8 сентябренә кадәрге чорда юлда балаларның һәм яшүсмерләрнең куркынычсыз үз-үзләрен тоту күнекмәләрен торгызу максатларында, Татарстан Республикасында “Игътибар - балалар!” дигән профилактик чара үткәреләчәк. 2019 елның 7 аенда республика юлларында 16 яшькә кадәрге балалар катнашында 320 юл-транспорт һәлакәте теркәлгән, аларда 11 бала үлгән һәм 338 бала җәрәхәтләр алган (АПГ – 332-5-312).
Статистик мәгълүматларга анализ күрсәткәнчә, балалар белән булган юл-транспорт һәлакәтләре саны август-сентябрьдә арта, бу вакытта яшүсмерләр озак вакытлы җәйге ялдан соң юлда үз-үзләрен куркынычсыз тоту белән бәйле күнекмәләрне югалта, һәм аларга транспорт мохитенә өстәмә җайлашу таләп ителә. «Игътибар - балалар!» Татарстан Республикасы буенча Эчке эшләр министрлыгының дәүләт автоинспекциясе тарафыннан оештырылачак:
- машина йөртүчеләрнең җәяүлеләргә өстенлек бирүенә бәйле юл йөрү кагыйдәләрен бозуны профилактикалау чаралары;
- балигъ булмаганнарның юл хәрәкәте кагыйдәләрен бозуны кисәтүгә юнәлдерелгән акцияләр, мондый фактлар турында мәгълүмат алга таба профилактик эш уздыру өчен мәгариф оешмаларына җибәреләчәк;
- юлларда балаларның куркынычсызлыгын тәэмин итү мәсьәләләре буенча Дәүләт автоинспекциясе хезмәткәрләре катнашында ата-аналар җыелышлары;
- конкурслар, викториналар һәм балаларны сәламәтләндерү лагерьларында юлларда үз-үзләрен хәвефсез тоту күнекмәләрен ныгыту буенча башка чаралар;
- мәгариф оешмаларына һәм сәламәтләндерү лагерьларына керү юлларының, юл билгеләренең, тамгаларның, светофор объектларның һәм коймаларның торышын тикшерү.
Татарстан Республикасы буенча Эчке эшләр министрлыгының дәүләт автоинспекциясе юл хәрәкәтендә катнашучыларның барысын да игътибарлы һәм сак булырга чакыра.
Ата-аналар үз балаларының иминлегенә җитди карарга тиеш. Балаларның үзләре өчен куркыныч тудыра алырлык урыннарда, шул исәптән юллар янында да, караучысыз калмауларын кайгыртырга кирәк.