Очрашу кичәсе “Гомер көзегез җылы булсын”

2 нче октябрьдә Өлкәннәр көне уңаеннан Тойгуҗа авылы җирлегендә “Гомер көзегез җылы булсын” дигән очрашу кичәсе үткәрелде.

Очрашу кунакларына  район башлыгы урынбасары Галеева Л.К. үзенең иң ихлас рәхмәт сүзләрен җиткерде. Район ветераннар Советы рәисе Сорокина Л.И., авыл җирлеге башлыгы Сафин Р. А., авыл ветераннар Советы рәисе Муканова В.Б. да  аларга иң җылы, иң изге теләкләрен әйттеләр. Бөйрәм табыны артында күңелле генә сөйләшеп утыру, ял итү программасында катнашу йөрәкләргә дәрт өстәде.