Менделеев шәһәрендә мәктәп укучылары арасында "Тормыш нигезе - Икмәк" дигән брейн-ринг уены узды

02 октябрь көнне С.Гассар исемендәге Менделеевск Мәдәният йортында брейнг-ринг уеннары кубогы узды. Чараны Менделеевск районы авыл хуҗалыгы идарәсе һәм туган якны өйрәнү музее оештырды. Уенда шәһәр һәм район гомуми белем бирү учреждениеләренең 9 сыйныф укучылары катнашты. Балаларга биш раундта көрәшергә кирәк иде, аларның һәрберсендә төрле дәрәҗәдәге сорауларга җавап бирергә кирәк иде. Уен нәтиҗәләре буенча җиңүчеләр билгеләнде: 1 урын - 2нче мәктәп командасы, 2 урын - 1 гимназия, 3нче урынга 3нче мәктәп командасы лаек булдылар. Җиңүчеләргә, призерларга һәм башка катнашучыларга сертификатлар һәм истәлекле бүләкләр тапшырылды. Җиңүчеләрне Яр Чаллы шәһәренә икмәк-күмәч эшләнмәләре җитештерүче предприятиеләрнең берсенә экскурсия көтә, призерларга - Менделеевск шәһәрендәге кинотеатр һәм боз сараена бару көтә. Чара ахырында оештыручылар һәм кунаклар балаларны котладылар, алга таба укуларында һәм тормышта киләчәк һөнәр сайлауда уңышлар теләделәр.