Менделеевскта укытучыларны хөрмәтләделәр

Укытучылар көне - елның иң күңелле бәйрәме. Шәһәр һәм районның иң гуманлы һөнәре вәкилләре өчен С.Гассар исемендәге мәдәният йортында бәйрәм концерты узды. Залда педагогик хезмәт ветераннары, хәзерге вакытта мәктәптә эшләүче укытучылар, үзләренең һөнәри бәйрәмнәрен беренче тапкыр бәйрәм итүчеләр, шулай ук тәрбиячеләр җыелды. Бәйрәм кунакларын һәм укытучыларын 1нче гимназия укучылары каршы алды. Фойеда "Укытучылар көне белән" тематик фотозоналары оештырылды. Концертны бәйрәм вальсы белән ачтылар. Тамашачыларга үзләренең иҗади номерларын мәктәп укучылары, балалар бакчасында тәрбияләнүчеләр, шәһәр коллективлары бүләк итте.Район башлыгы урынбасары Ләйсән Галиева педагогларга рәхмәт белдерде, мәгариф һәм фән министрлыгының бүләкләрен, Рәхмәт хатларын, район башлыгының Мактау грамоталарын тапшырды.  Бу бәйрәм көнендә сәхнәдән укытучыларның шундый мөһим хезмәте өчен котлау сүзләре һәм рәхмәт сүзләре яңгырады. Бик күп чәчәкләр һәм елмаюлар бүләк ителде.