Бәзәкә мәктәбенә - 105: тарих, вакыт, кешеләр һәм язмышлар

Директор Гүзәлия Гомәрова җитәкчелегендәге үзешчән артистлар мәктәпнең 105 еллыгына багышланган онытылмаслык кичә әзерләделәр. Бәйрәм Укытучылар көне белән туры килү дә символик мәгънәгә ия булды. Клубның беренче рәтләрен авылда белем бирү системасын үстерүгә иң яхшы елларын багышлаган, аларга тирән белем биргән, патриотик һәм әхлакый тәрбия бирүгә игътибар биргән хөрмәтле педагогик хезмәт ветераннары алды. Бу кичтә алар көннең чын геройлары булдылар: төрле елларда укып чыккан укучылардан котлаулар һәм бүләкләр, артистлардан музыкаль сәламнәр кабул иттеләр.Ә залда еллар буе күрешмәгән сыйныфташлар кочаклашуларын, кайберләре хәтта бер-берсен танымауларын, сәламәтлекләре, хәлләре турында белешүләрен күзәтергә мөмкин иде. Слайдта тәкъдим ителгән фотосурәтләр аларны искиткеч мәктәп елларына кайтаралар.

Җыелганнарга мәгариф һәм мәдәният идарәләре башлыклары Илбар Таһиров һәм Екатерина Шиһапова мөрәҗәгать итте, матур чара өчен рәхмәт белдерделәр, мәгариф һәм мәдәни эшчәнлектә яңа уңышлар һәм үрләр теләделәр.