"Китапханә, китап һәм мин – бергә без тату гаилә"

Ижевка авыл китапханәсендә Беренче сыйныф укучылары өчен "Китапханә, китап һәм мин – бергә без тату гаилә" дип исемләнгән китапханә дәресе узды.Әңгәмә барышында балалар «китапханә» сүзенең нәрсә аңлатуын, борынгы китапханәләрнең нинди булуын белделәр. Балалар «абонемент», «уку формуляры» дигән төшенчәләр белән таныштылар, «китап укучылар» кемнәр икәнен ачыкладылар, китапларны дөрес сайларга өйрәнделәр, әкиятләрдән өзекләр буенча китапның исемен билгеләделәр. Барлык биремнәрне дә уңышлы үтәделәр. Василиса Премудрая (Валеева Л.И.) һәм Бармалей (Нургалиева Ф.М.) чараның кунаклары булдылар, алар балаларга биремнәр бирделәр, табышмаклар әйтештеләр. Балалар китапханә китапларының иң зур, иң калын һәм иң юка китапларын күрделәр. Ә китапханәнең тулы хокуклы укучылары булу өчен беренче сыйныф укучылары китаптан файдалану кагыйдәләрен өйрәнделәр, китапханә уенын уйнадылар, яңа һәм иске китапларның "сөйләшүен тыңладылар". Укый белгән укучылар китапханәгә кереп киттеләр һәм өйләренә китаплар белән кайтып киттеләр. Чара ахырында «китапханә» сериясе Смешарики мультфильмын карау булды, ә Бармалей һәм Василиса балаларны конфетлар белән сыйладылар.