Эшлекле сишәмбедә бүләкләү

Менделеевск районы хакимиятендә район башлыгы Валерий Чершинцев рәислегендә предприятие, учреждение, оешма җитәкчеләре белән киңәшмә узды.

Киңәшмә барышында бүләкләүләр булды:

Менделеевск муниципаль районы агросәнәгать комплексының икътисад һәм финанс эшчәнлеге өлкәсендәге шәхси өлеше һәм юбилее уңаеннан Менделеев муниципаль районы авыл хуҗалыгы һәм азык - төлек идарәсенең финанс-икътисад бүлеге начальнигы Нурия Мөкәрәм кызы Сәйфетдинова район башлыгының Мактау грамотасы белән бүләкләнде.

14-15 яшьлек егетләр арасында каратэ буенча Россия Федерациясе Авыл хуҗалыгы министрлыгы уку йортларының ачык көрәш фестивалендә 51 кг авырлык категориясендә 1 урын алганы өчен кубок, грамота һәм медаль белән Инсаф Галиев бүләкләнә.