Бөрешле мәдәният йортында клуб сезонының чираттагы ачылышы

2019 елның 31 октябре, пәнҗешәмбе

  2019 елның 24 октябрендә Бөрешле мәдәният йортында клуб сезонының чираттагы ачылышына багышланган "Авылыбызның күңелле мизгелләре" дигән концерт-тамаша булып узды. Авылдашларын үзләренең чыгышлары белән Гөлнара Ашурова, Аида Соловьева, "Ак Чишмә" керәшен фольклор ансамбле, "Кечкенә рольләр" балалар театр коллективы, "Чишмәкәйләр"керәшен балалар бию ансамбле сөендерделәр.Алар башкаруында җырлар, биюләр, сәхнә күренешләре яңгырады. ЦКС җитәкчесе Фәрхетдинова Рәйханә Ситдыйк кызы барлык катнашучыларга рәхмәт белдерде һәм Рәхмәт хатлары тапшырды. Чара ахырында "гармун"ны клуб сезонының талисманын Песәй авыл мәдәният йорты директоры Рафаэль Кәбировка тапшырдылар.