Кинотеатр Юность тәгдим итә

«Юность» Кинотеатрында Татарстанның халык шагыйре Рабит Батулланың «Кичер мине, әнием» пьесасы буенча куелган «Инсаф» исемле нәфис фильм күрсәтелде.     

Лирик комедия жанрындагы фильм ике ел дәвамында Татарстан Республикасы Югары Ослан районының  Бакчы-Сарай авылында төшерелде. Кино әнисенең апасында авылда яшәүче яшүсмер Инсаф турында. Инсаф лотереяда зур күләмдә акча откач, отыш турында белгәч, егетнең чын әнисе алар янына килә һәм улын кайтарырга таләп итә. Тиздән әтисе - Кирам да табыла. Ул Инсафны уллыкка алырга тели. Әмма төрле сюжетлы борылышлардан  соң Инсаф үзе гаҗәеп карар кабул итә.

Кинотеатр директоры Лилия Галиева Казаннан килгән кунакларны: төп рольне уйнаган Инсаф Хәдиятуллинны, продюсер Наталья Топалны һәм куючы оператор Михаил Соколовны тәкъдим итте. Чарада шулай ук ТР «Татаркино» дәүләт бюджет мәдәният учреждениесенең Чаллы филиалы директоры Рифкать Бильданов катнашты. Кинокүрсәтү азагында ветераннар, мәктәп укучылары, укытучылар фильм турында фикер алышуда актив катнаштылар, Илгизәр Тимергалиева, Римма Нәгыймова, Клара Галләмова сорауларына җаваплар бирделәр. Уртак фикер бер генә иде, тирән мәгънәсе булган актуаль, җитди фильмнарны күбрәк төшерергә. Очрашу бик матур узды.