Менделеевск районы аграрийлары 2020 елгы кыр эшләре турында бүген үк уйлый

«Золотая Нива» ҖЧҖ базасында район башлыгы Валерий Чершинцев катнашында авыл хуҗалыгы техникасын кышкы саклауга әзерләү һәм язгы кыр эшләренә сыйфатлы орлык әзерләү буенча семинар-киңәшмә узды.Менделеев яңалыкларын язалар.

Очрашуда авыл хуҗалыгы һәм азык-төлек идарәсе башлыгы Илнур Фәрухшин, район башлыгының авыл хуҗалыгы мәсьәләләре буенча ярдәмчесе Хәйдәр Һадиуллин, КФХ башлыклары, авыл хуҗалыгы предприятиеләре белгечләре катнашты.

— Район аграрийлары алдында җаваплы бурыч тора: булган авыл хуҗалыгы техникасын үз вакытында һәм сыйфатлы ремонтлау. Куелган бурычларны комплекслы үтәмичә югары уңыш алу мөмкин түгел. Сыйфатлы орлык материалы, минераль ашламалар, кадрлар булу — болар барысы да зур әһәмияткә ия, — диде Илнур Фәрукшин.

Ноябрь көне безне якты кояш һәм нык суык белән каршы алса да, таң аткан фирма хезмәтчәннәре язгы мәшәкатьләр белән яши.

— Икмәк марафонына кадәр ерак кебек тоелса да, авыл хуҗалыгы сезоны техника ремонты белән башланды инде,— дип каршы алды агрофирма директоры Азат Галимуллин.

Семинарда катнашучылар көзге-кышкы чорда «Золотая Нива» ҖЧҖ техникасын саклау мәйданчыкларында ремонтны оештыру, аның куркынычсыз эксплуатацияләү, складларда орлыклар саклау, тимерчелек цехы, техник хезмәт күрсәтү пункты белән таныштылар, саклауга куелганда авыл хуҗалыгы техникасына сервис хезмәте күрсәтү буенча проблемалы мәсьәләләр турында фикер алыштылар. Очрашуда югары сыйфатлы орлык әзерләү һәм сатып алу турында сүз барды.

- Техниканы ремонтлау, аларны сыйфатлы итеп саклауны тәэмин итү һәм югары сыйфатлы орлык әзерләү — көзге-кышкы чорда аграрийларның төп бурычы. Яхшы уңыш алу өчен көйле эшләргә кирәк, — диде Валерий Сергеевич.