«Кыш бабай бүләк тарата» дип исемләнгән күңел ачу программасы

2020 елның 5 гыйнвары, якшәмбе

3 нче гыйнвар көнне Песәй авылы мәдәният йорты балаларны кабат  үзенә җыйды. Алар өчен « Кыш бабай бүләк тарата» дип исемләнгән күңел ачу программасы әзерләнде. Бәйрәм кунаклары Кыш бабай, Кар кызы, клоуннар балаларга бик кызыклы уеннар, конкурслар тәкъдим итте. Кичәдә авыл балалары гына түгел, кунакка кайткан балаларның катнашуы да бик сөендерде. Нәниләргә баллы призлар, истәлекле бүләкләр тапшырылды. Әлеге чарадан балалар да, аларны озата килгән өлкәннәр дә канәгать калды.