Эшлекле сишәмбе бүләкләү
28 нче гыйнвар көнне хакимиятнең актлар залында Менделеевск муниципаль районының предприятие, учреждение, оешма җитәкчеләре белән район башлыгы урынбасары Ләйсән Галеева җитәкчелегендә атналык киңәшмә узды.
Иң башта бүләкләү булды:
Татарстан Республикасы Авыл хуҗалыгы һәм азык – төлек министрлыгының Мактау грамотасы белән күпьеллык намуслы хезмәте һәм Татарстан Республикасы Авыл хуҗалыгы җитештерүен үстерүгә керткән шәхси өлеше өчен түбәндәгеләр бүләкләнде: Әһлиев Динар Рәис улы – крестьян (фермер) хуҗалыгы башлыгы; Харитонов Георгий Андреевич-крестьян (фермер) хуҗалыгы башлыгы.
Татарстанның Фермерлар һәм крестьян хуҗалыклары Ассоциациясенең Рәхмәт хаты белән аларның проектларын әзерләүдә һәм консультатив ярдәм күрсәтүдә һәрьяклы ярдәм күрсәткәне өчен Трошина Светлана Евгеньевна бүләкләнде.