Сәйтәк авылы клубында открытка көне

2020 елның 4 феврале, сишәмбе

2 февраль көнне Сәйтәк авылы клубында рәсми булмаган, әмма рухи бәйрәм - Дустым өчен открыткалар көне буларак билгеләп үтелде. Авыл клубы мөдире Гизатуллина Я.Г. авылдашлары  ярдәме белән төрле елгы открыткалар күргәзмәсе оештырды. Клубка килүчеләр  открыткалар белән таныштылар. Хәтта теләүчеләр өчен үз куллары белән открытка ясау мөмкинлеге бирелде. Күргәзмә бөек даталар- Бөек Җиңүнең 75 еллыгы һәм ТАССРның 100 еллыгы уңаеннан уздырылды.Чөнки  күргәзмәдә халкыбызның төрле бәйрәмнәре уңаеннан бирелгән открыткалар җыелган иде. Шулай ук открыткалар ярдәмендә “Ягымлы сүзләр” һәм  “Парын тап” исемле уеннар оештырылды.