09 февраль көнне С. Гассар ис. мәдәният сараеның концертлар залында «Кристалл» эстрада биюе Халык ансамбле концерты булды, ул ТАССРның 100 еллыгына, Бөек Ватан сугышында җиңүнең 75 еллыгына һәм районның 35 еллыгына багышланган иде.

2020 елның 10 феврале, дүшәмбе

Эстрада биюе-ул заманча дөнья картиналарын сурәтләү чарасы. Ул киләчәк кешесен үстерү бурычларын хәл итәргә ярдәм итә. Заманча эстрада биюе хореографиянең барлык элементлары һәм принциплары үз эченә ала. Хореография - ул хезмәт һәм илһам чыганагы. Тамашачылар өчен бу-кыска гына бию, ә биючеләр өчен – ул тулы бер тормыш. 09 февраль көнне С. Гассар ис.  мәдәният сараеның концертлар залында  «Кристалл» эстрада биюе Халык ансамбле концерты булды, ул ТАССРның 100 еллыгына, Бөек Ватан сугышында җиңүнең 75 еллыгына һәм районның 35 еллыгына багышланган иде. Концертта барлык яшь төркемнәре дә катнашты-бу инде тәҗрибәле биючеләр дә, сабыйлар да, алар өчен бу концерт беренче җитди чыгыш булды. Хореография коллективы үткәргән концертка бер генә тапкыр булса да килгән һәр кеше бу тамашаны оныта алмый. Бу чара гаять зур энергетикага бай булды һәм хәтта иң таләпчән тамашачыларның күңелләрен яуларга сәләтле иде. "Кристалл"эстрада биюе халык ансамбленең иҗади юлы-өзлексез эзләү һәм тәҗрибә. Ансамбль үзенең сәхнә принципларына үзгәрмичә, үз постановкаларында  яңа формаларга, яңа жанрларга мөрәҗәгать итеп, репертуар чикләрен киңәйтергә омтыла.