2020 елда традицион кәгазь хезмәт кенәгәләренә алмашка электрон киләчәк
Татарстан Республикасы Пенсия фонды бүлеге хәбәр иткәнчә, 2020 елда традицион кәгазь хезмәт кенәгәләренә алмашка электрон киләчәк.
Эшләүче барлык гражданнар өчен электрон хезмәт кенәгәләренә күчү ирекле булып тора һәм бары тик гражданин ризалыгы белән генә гамәлгә ашырылачак.
2021 елда беренче тапкыр эшкә урнашучылар гына искәрмә булачак. Мондый кешеләрнең эш чоры турындагы барлык мәгълүматлары башта кәгазь хезмәт кенәгәсен рәсмиләштермичә генә электрон рәвештә генә алып барылачак.
Әгәр хезмәткәр үзенең кәгазь хезмәт кенәгәсен саклап калырга тели икән, аңа 2020 ел ахырына кадәр эш бирүчегә язмача гариза бирергә кирәк, бу очракта 2021 елдан башлап кәгазь хезмәт кенәгәсен электрон рәвештә дәвам итәчәкләр.
Шунысын да билгеләп үтәргә кирәк, электрон хезмәт кенәгәсе кәгазь хезмәт кенәгәсендә исәпкә алына торган мәгълүматларның бөтен исемлеген диярлек саклый: эш урыны һәм вакыты, вазыйфасы, квалификациясе, кабул итү һәм эштән азат итү даталары, хезмәт килешүен туктату нигезләре.
«Электрон хезмәт кенәгәсе мәгълүматын Россия Пенсия фонды сайтының Шәхси кабинетында яки дәүләт хезмәтләре порталында карарга мөмкин булачак , бу безнең дөньяда бик уңайлы», - дип билгеләп үтте Татарстан Пенсия фонды идарәчесе Эдуард Вафин.
Моннан тыш, хезмәткәр соңгы эш урыны буенча эш бирүчедән (әлеге эш бирүчедә эшләгән чорда), КФҮләрдә яки ПФР органнарында бастырып чыгарылган һәм расланган мәгълүматларны алырга хокуклы.
Шулай ук, эшкә кергәндә гражданин ЕПГУНЫҢ шәхси кабинетыннан электрон хезмәт кенәгәсеннән өземтә белән эш бирүче адресына электрон имза белән Өземтә җибәрә ала.
Үзгәрешләр эш бирүчеләргә дә кагылачак, алар өчен хисапның яңа формасы кертелә.
2020 елның 1 гыйнварыннан иминләштерелгән затларның хезмәт эшчәнлеге турындагы мәгълүматларны иминиятләштерелгән оешмаларга ай саен хисап артыннан килә торган айның 15 нче числосыннан да соңга калмыйча РПФКА тапшырырга кирәк булачак, ә 2021 елның 1 гыйнварыннан башлап эшкә кабул итү яки эштән китү очракларында хезмәт эшчәнлеге турындагы мәгълүматларны эш бирүче оешма тарафыннан пенсия фондына эшкә кабул итү яки эштән китү датасыннан соң бер эш көненнән дә соңга калмыйча тапшырырга тиеш булачак.
Мәгълүматлар тапшыру срокларын бозган яки тулы булмаган яки дөрес булмаган мәгълүматларны тапшырган өчен хезмәт инспекциясе хезмәткәрләре тарафыннан салына торган административ җаваплылык билгеләнә.
Республика иминиятләштерүчеләренә тулысынча мәгълүмат бирү өчен, Пенсия фонды бүлеге тарафыннан иминиятләштерүченең «электрон хезмәт кенәгәсе турында " дигән белешмәлек эшләнгән, ул бу атнада эш бирүчеләргә җибәреләчәк.