«Ягез әле, кызлар!»

2020 елның 4 марты, чәршәмбе

 1 март көнне Ижевка авыл мәдәният йортында 8 Март - Халыкара хатын - кызлар көне уңаеннан сәнгать җитәкчесе Валеева Л. И. «Ягез әле, кызлар!» уен-конкурсы үткәрде. Конкурста гүзәл затларның ике командасы - «Сирень» һәм «Ландыш» катнашты. Кызлар «Разминка», « Хуҗалык конкурсы», «Иң матур һәм пөхтә» кебек конкурсларда актив катнаштылар. Иң зур кызыксыну белән курчакны төреп, бишек җыры башкару, тиз һәм нык итеп төймә тегү, һәм «Әниләр өчен чәчәкләр» конкурсы булып узды. Шулай ук кызлар үзләренең яхшы кул эшләре эшли белүләрен һәм менә дигән «пешекчеләр» булуларын күрсәттеләр.