Сәйтәк авылында яңа сөт фермасы ачтылар
Ферма төзү 2019 елда откан «200 баш мөгезле эре терлеккә исәпләнгән гаилә терлекчелек фермасы»гранты аркасында мөмкин булды.
Сөтчелек фермасы ачылу белән КФХ башлыгын район башлыгы Валерий Чершинцев котлады һәм әлеге ферма ачылу белән районның авыл хуҗалыгын үстерүдә тагын бер зур адым ясавын билгеләп үтте.
Шулай ук котлау сүзләре белән "авыл хуҗалыгы идарәсе" начальнигы Илнур Фәрухшин чыгыш ясады.
Үз чиратында барлык җыелучыларга КФХ башлыгы Георгий Харитонов үзе рәхмәт белдерде. Ул үз эшчәнлеген 2003 елның мартында 3 баш сыер белән башлады. Бүген хуҗалыкта 245 баш эре мөгезле терлек бар (узган елга карата 104%), шуларның 100 баш сыеры.
Район башлыгы исеменнән Рәхмәт хатлары һәм истәлекле бүләкләр Георгий Харитоновка һәм хуҗалыкның иң яхшы хезмәткәрләренә тапшырылды.
Аннары тасманы кисү хокукы район җитәкчелегенә һәм хуҗалык башлыгына тапшырылды.
Җыелучылар ферманың сөт продуктларын татып карадылар, шулай ук сыер абзарының үзеннән дә файдалана алдылар. Фермада сыерлар уңайлы, җылы шартларда яши. Шулай ук җыелучылар сөт блогын карадылар.
Агымдагы елның 1 декабренә хуҗалыкта 399 ц ит җитештерелгән (узган елга карата 160%), тулаем сөт савымы 5380 ц тәшкил итә. Г.А. Харитонов КФХсы 2013 елда 1750 мең сумлык «100 башка исәпләнгән гаилә терлекчелек фермасы» төзү өчен грантлар алды. Хуҗалыкта 9 кеше эшли.