Прокуратура аңлата

2020 елның 31 июленнән Россия Федерациясе Җинаять-процессуаль кодексының 314 һәм 316 маддәләре үз көченә керде. Әлеге үзгәрешләр нигезендә, мондый тәртип бары тик кечкенә һәм урта авырлыктагы җинаятьләр турында җинаять эшләре буенча гына кулланылачак.

Элегрәк гаепләнүчеләрнең җинаять эшен аерым тәртиптә карау турында үтенечнамәсен, ягъни дәлилләрне тикшермичә һәм бәяләмичә, шулай ук авыр җинаятьләр турындагы җинаять эшләре буенча белдерү мөмкинлеге бар иде.

Җинаять-процессуаль законнардагы үзгәрешләр, кагыйдә буларак, аеруча катлаулы, җәмгыять өчен зур куркыныч тудыра һәм зыян күрүчеләр мәнфәгатьләренә сизелерлек кагыла торган җинаять эшләре буенча суд эшләрендә катнашучыларның процессуаль гарантияләрен тәэмин итүгә юнәлдерелгән.

Моннан тыш, судьяның җинаять эшен караганда, аерым тәртиптә, Россия Федерациясе Җинаять-процессуаль кодексының 25.1, 28.1, 239 статьяларында билгеләнгән нигезләр булганда, ягъни суд штрафы рәвешендә җинаять-хокукый характердагы чаралар билгеләнүгә, шулай ук зыянны каплауга бәйле рәвештә, җинаять эшен туктату турында карар чыгару хокукы закон белән беркетелгән.

Шунысын да билгеләп үтәргә кирәк, үзгәрешләр хезмәттәшлек турында судка кадәр килешү төзелгән җинаять эшләре каралуга кагылмады.