Ана капиталы 2021 елда артачак
Менделеевск районындагы клиент хезмәте (бүлек хокукларында) гражданнарга 2021 елда беренче бала туган (уллыкка алыначак) гаиләләр өчен ана капиталы күләме 483 881,83 сум тәшкил итәчәк, ә икенче бала туганда (уллыкка алганда) тагын 155 550 сумга артачак дип хәбәр итә.
Шулай ук ана (гаилә) капиталының күләме 2020 елның 1 гыйнварыннан икенче, өченче һәм аннан соңгы балалар туу (уллыкка алу) белән бәйле рәвештә артачак: киләсе елда ул 639 431,83 сум тәшкил итәчәк.
Моннан тыш, индексация 3,7% ка, шулай ук, 2021 елга кадәр ана капиталы дәүләт сертификатлары хуҗаларына да кагылачак.
Шунысын да билгеләп үтәргә кирәк, элекке сумма күрсәтелгән документны алмаштыру таләп ителми. Кертелгән төзәтмәләрне исәпкә алып, капитал күләмен үзгәртү РФ Пенсия фонды тарафыннан автомат рәвештә башкарылачак.
РПФ сайтында («ана (гаилә) капиталы»бүлеге) шәхси кабинетта язылуга заказ биреп, яңартылганнан соң, ана (гаилә) капиталы суммасын белергә була. Ул мөрәҗәгать итүче күрсәтелгән электрон почтага аерым документ рәвешендә киләчәк.
______________________________
* 2020 елның 8 декабрендәге 385-ФЗ номерлы Федераль закон