Раштуа уеннары «Веселись ребятки, наступили святки!»

Китапханәче Надежда Медведева балаларны яңа ел бәйрәмнәре тарихы, рус халкының гореф-гадәтләре белән таныштырды. Балалар чыршы тирәли әйлән-бәйлән йөртү, костюмнар, битлекләр кию гадәтенең ни өчен булуын белделәр, шаян викториналарда катнаштылар, "Коляда" уеннарында уйнадылар. Шулай ук балалар Яңа ел, әдәби викторина сорауларына актив җавап бирделәр. Чара азагында балаларга Раштуага багышланган бәйрәм слайд-презентациясе тәкъдим ителде. Бәйрәм чарасы чәй эчү белән тәмамланды.