Менделеев районының белем бирү учреждениеләре педагогларны пенсиягә рәсмиләштерү буенча РПФ белән хезмәттәшлек итәләр
Менделеевск районында 900 гә якын эш бирүче Пенсия фонды белән мәгълүмати хезмәттәшлек турында килешүләргә ия. Аларның 50 дән артыгы мәгариф өлкәсенә карый.
Булачак пенсионерлар белән алдан эшләү мөһим өлеше булып мәгариф учреждениеләре тарафыннан ПФРга алдагы 12 ай дәвамында, шул исәптән вакытыннан алда пенсиягә китүче хезмәткәрләрнең исемлеген тәкъдим итү тора. Мондый мәгълүматларны кәгазьдә дә, электрон рәвештә дә тапшырырга мөмкин. Исемлек җибәргәннән соң, кадрлар бүлекләре килешү кысаларында Пенсия фондының территориаль органнарына пенсиягә чыгарга ниятләгән хезмәткәрләрнең документларын тапшыралар. Мәгълүматларны тапшыру якланган элемтә каналлары буенча башкарыла. Алынган мәгълүматлар нигезендә, ПФР белгечләре хезмәткәрләрнең пенсия хокукларын бәяли, алар белән бәйләнә һәм кирәк булганда, җитмәгән мәгълүматларны соратып алуда ярдәм итә.
Эш бирүче тарафыннан кирәкле барлык документларны тапшырганнан соң, пенсия яше җиткәнчегә кадәр бер ай кала гражданинга пенсияне билгеләү һәм илтеп бирү оешмасын сайлап алу турында гариза гына кала. Аларны шулай ук эш бирүче аша яки мөстәкыйль рәвештә: РПФ интернет-сервислары аша, Пенсия фондының клиентлар хезмәтендә яки КФҮ аша җибәрергә мөмкин.
Килешүгә кул кую өчен мәгариф учреждениеләренә Россия Пенсия фондының территориаль бүлекчәләренә мөрәҗәгать итәргә кирәк.
Ел саен 50гә якын педагог һәм балалар бакчалары тәрбиячеләре вакытыннан алда пенсиягә чыгу хокукын тормышка ашыралар.