Татар Кокшаны авылында сугыш елларында һәлак булган якташларга һәйкәл куярга телиләр
Гражданнарны кабул итүдә шәһәр кызы район башлыгына шундый тәкъдим белән мөрәҗәгать итте.
Хакимияттә район башлыгы Валерий Чершинцев гражданнарны кабул итте, аңа өч кеше язылды. Биредә яшәүчеләр йортның түбәсен ремонтлау, мохтаҗ гаиләләргә торак бирү мәсьәләләре белән мөрәҗәгать иттеләр.
Менделеевскида яшәүче Миләүшә Гайнетдинованың Татар Кокшаны авылында Бөек Ватан сугышында һәлак булганнар истәлегенә һәйкәл кую мәсьәләсе каралды.
Валерий Чершинцев кызның инициативасын хуплады һәм һәр теләгән кеше кулдан килгәнчә ярдәм итә алсын өчен, халык проектына ярдәм итү фонды булдырырга тәкъдим итте.
"Мөрәҗәгать итүегез һәм шундый кирәкле һәм мөһим инициатива өчен рәхмәт. Әлеге халык проекты район халкы, депутатлар һәм предприятие җитәкчеләре тарафыннан хупланыр һәм без бергәләп татар Кокшанына һәйкәл куярбыз дип ышанам», — диде В.Чершинцев.
Чыганак: Менделеевск яңалыклары.