Менделеевскида Ураза бәйрәме

Бәзәкә авылы китапханәсе быелның март аенда авылдашларга  флешмобка кушылырга дигән тәкъдим белән чыкты, һәм шушы вакыт аралыгында Бөек Ватан сугышы чоры хатын-кызлары турында 6 истәлек  язма әзерләп “бизяки.рф” сайтына урнаштырды. 

Тойма мәдәният хезмәткәре китапханәче белән берлектә табигать кочагында халыкара гаилә көненә багышлап, «Гаилә бәхете» дип исемләнгән уен программасы оештырдылар.

Камай авылы китапханәсе каршында эшләп килүче “Диләфрүз” түгәрәгенең чираттагы утырышы гаилә темасына багышланды. “Гаилә учагы җылысы” исемле тематик кичәдә  Мәдинә Маликова, Гөлсинә Галимуллина, Айгиз Баймөхәммәтов китапларына видеокүзәтү ясалды. Гаилә темасына язылган башка китаплар белән таныштырылды. Чара гаилә бәхете турында фикер алышу белән тәмамланды.

17 майда Халыкара балалар ышаныч телефоны көне билгеләп үтелә. Бу тормышта һәркем авыр хәлләргә юлыгырга, үзе генә хәл итә алмаслык проблемалар килеп туарга мөмкин. Һәм әлбәттә, балалар белән дә андый хәлләр булырга мөмкин. 2010 елның 1 сентябрендә балаларның зарларын тыңлау, тормышта катлаулы һәм авыр хәлләргә юлыккан сабыйларны яклау, аларга һәм әти-әниләренә ашыгыч психологик ярдәм күрсәтү өчен Гомумроссия бердәм ышаныч телефоны эшли башлый. “Балалар ышаныч телефоны” хезмәте психологлары аноним абонентларга – балаларга, яшүсмерләргә, ата-аналарга һәм педагогларга үсеш, укыту һәм тәрбия мәсьәләләренең киң спектры буенча түләүсез консультацияләр бирә. Мондый ярдәм – гаилә иминлеге, стресс хәлләрен, балаларның һәм яшүсмерләрнең суицидаль кәефләрен профилактикалауга, балаларның хокукларын яклауга һәм гаиләне ныгытуга ярдәм итү максаты белән башкарыла. Бәзәкә китапханәсендә 6-7 сыйныф укучылары катнашында үткәрелгән “Ышаныч телефоны – куркыныч сызлыкка бер адым” дигән түгәрәк өстәл артында сөйләшү шул темага багышланды.