Район башлыгы Валерий Чершинцев районның авыл хуҗалыгы формированиеләрен йөреп чыкты

2021 елның 7 июле, чәршәмбе

6 июльдә Менделеевск районы башлыгы Валерий Чершинцев, терлек азыгы әзерләү компаниясенең барышы, авыл хуҗалыгы объектларын төзү һәм агымдагы елга кырларның торышы белән танышу максатыннан, районның кайбер авыл хуҗалыгы формированиеләрен йөреп чыкты.

Аның белән бергә әлеге чарада авыл хуҗалыгы һәм азык-төлек идарәсе җитәкчесе Илнур Фәрухшин да катнашты. 

Тулаем алганда, Валерий Чершинцев авыл хуҗалыгы тармагы эшенә уңай бәя бирде. Барлык хуҗалыкларның 100% ын азык белән тәэмин итү, тагын бер кат терлек азыгы балансын аныклау - башка хуҗалыклар хисабына ярдәм итү бурычы куелды. Ул программа объектларын төзү барышын контрольдә тотарга кушты.