Нурмөхәммәт һәм Миннур Минәхмәтовлар бергә яшәүләренә 60 ел тулуны билгеләп үттеләр

2021 елның 21 июле, чәршәмбе

Көчле алкышлар һәм Мендельсон маршы астында ЗАГС Идарәсенең тантаналар залына бриллиант юбилярлар керде.
Алар 60 ел бер-берләренә мәхәббәт һәм тугрылык хисләре кичерделәр. Ике кыз тәрбияләп үстергәннәр, дүрт онык һәм биш оныкчык тәрбияләүдә булышалар. 

Минәхмәтовлар тормышы-тату һәм хөрмәткә лаек гаилә төзү, игелек һәм тугрылык үрнәге булып тора. 
– Гаилә тормышында иң мөһиме-сабырлык һәм бер – береңне кайгырту, - дип саныйлар ирле-хатынлы. 

Юбилярларга котлау сүзләре белән Башкарма комитет җитәкчесенең социаль мәсьәләләр буенча урынбасары Екатерина Ямалеева, ЗАГС бүлеге җитәкчесе Татьяна Алексеева мөрәҗәгать итте.