Менделеевскида 32 яшьлек ир-ат исерек килеш руль артына утырган өчен хөкем ителгән

Менделеевск районы прокуратурасы элек хөкем ителгән 32 яшьлек иргә карата җинаять эше буенча дәүләт гаепләвен хуплады. Суд аны РФ Җинаять кодексының 264.1 ст.1 ө. (исерек хәлдә транспорт чарасы белән идарә итү), РФ ҖК 115 ст. 2 ө. «в» п. (сәламәтлеккә алдан уйлап зыян китерү) гаепле дип тапкан.

Судта 2021 елның 19 маенда хөкем ителүченең исерек хәлдә ВАЗ-21102 автомобиле руленә утыруы ачыкланган. Тикшерү барышында ул полиция хезмәткәрләре тарафыннан тоткарлана, алар шофер тарафыннан спиртлы эчемлекләр куллану фактын ачыклый.

Моннан тыш, 2021 елның 12 июнендә, исерек килеш хөкем ителүче, дусты белән әңгәмә барышында, аны шампан шәрабыннан шешә белән башына бәрә. 

Хөкем ителүче үз гаебен тулысынча таныды.

Суд гаеплене бер елга сигез айга катгый режимлы төзәтү колониясендә җәза үтәтергә, ике ел дәвамында транспорт чаралары белән идарә итү хокукыннан мәхрүм итәргә карар чыгарган.

Хөкем карары законлы көченә кермәгән.