Менделеевск торак йортларында химик колбалар рәвешендә граффити барлыкка килде

2021 елның 24 августы, сишәмбе

Химия тематикасына беренче граффити 2017 елда ук шәһәрнең 50 еллыгына барлыкка килде. Фомин урамы, 21 һәм 24 адресы буенча урнашкан йортларның фасадлары галим-химик Дмитрий Менделеев һәм Кокшандагы химия заводына нигез салучы Петр Ушков портретлары белән бизәлгән.

Быел җәй Химиклар һәм Татарстан урамнары буенча 1 һәм 3 йорт фасадларында химик элементлар рәвешендә граффити барлыкка килде.