Тормышның үзеннән килгән шагыйрә

Тойгуҗа авылы китапханәсендә шагыйрә Флера Гыйззәтуллинага 90 яшь тулу уңаеннан “Тормышның үзеннән килгән шагыйрә” дип аталган шигъри сәгать үткәрелде.

Китапханәче башта китап укучыларны шагыйрәнең китапханә фондындагы китаплары белән, ә инде аның тормышы турында “Шәһри Казан”  гәҗите хәбәрчесенең “Мин бары язу өчен яшим” дигән әңгәмәсеннән укып таныштырды. Шагыйрәнең тормышчан, дөньяви, тирән мәгънәле шигырләрен “Сер ачкычым сердәштә”, “Вөҗдан үре – йөрәк түре” китапларыннан, ә Татарстан Республикасының беренче президенты  Минтимер Шәймиевкә багышланган “Яну дәверләрендә” поэма – трилогиясенең кайбер бүлекләрен укыдылар.