2021 елда ана капиталы күләме
2021 елда ана капиталы 3,7% ка индексацияләнде.
Икенче, өченче яки аннан соңгы бала 2019 елның 31 декабренә кадәр туган гаиләләргә яңа елдан ана капиталы күләме 483881,83 сум тәшкил итә, дип искә төшерә Менделеевск районында клиент хезмәтендә (бүлек хокукларында). Бу туучыларга да, уллыкка алынган балаларга да кагыла.
Әгәр беренче бала 2020 елның 1 гыйнварыннан соң туган яки уллыкка алынган булса, гаилә шулай ук 483881,83 сум күләмендә исәп тота ала. Ә бу датадан соң икенче бала туган очракта, ана капиталы күләме 15 5550 сумга артачак.
Әгәр ана капиталы хокукы 2020 елның 1 гыйнварыннан соң икенче, өченче яки аннан соңгы балалар туу (уллыкка алу) өчен беренче тапкыр барлыкка килгән булса, дәүләт ярдәме суммасы 639431,83 сум тәшкил итә.
Пенсия фондында шулай ук ата-аналарның игътибарын ана капиталының калдыгын индексацияләүгә юнәлтәләр. Әгәр гаилә ана капиталы акчаларын өлешчә тотса, калган акчалар да индексацияләнәчәк. Элеккеге сумма күрсәтелгән документны алмаштыру таләп ителми, капитал арту автомат рәвештә башкарыла.