Роспотребнадзор: «Балаларның хәрәкәт активлыгы буенча тәкъдимнәр турында»

Роспотребнадзор соңгы елларда мәктәптә һәм өйдә югары уку йөкләнеше аркасында, күпчелек укучыларда хәрәкәт активлыгы җитмәүне искә төшерә, ул мәктәп укучысы организмында җитди үзгәрешләр китереп чыгарырга мөмкин.

Гигиена галимнәре күрсәткәнчә, көндезге вакытның 82 - 85% ка кадәр күпчелек укучы утырган хәлдә уздыра. Хәтта кече сыйныф укучыларында да ирекле хәрәкәт эшчәнлеге (йөрү, уеннар) бары тик тәүлекнең 16%-19% гына алып тора 

Мәктәпкә керү белән балаларның активлыгы 50 процентка диярлек төшә. Төрле уку чирекләрендә хәрәкәт активлыгы зурлыгының үзгәрүе билгеләнде. Елның салкын чорында укучыларның активлыгы бигрәк тә кечкенә.

Парта яки эш өстәле артында аз хәрәкәтле торыш укучы организмының күп кенә системаларының, бигрәк тә  йөрәк - кан тамырлары һәм сулыш системаларының эшләвендә чагыла. Озак утырганда сулыш азрак тирәнәя, матдәләр алмашы түбәнәя, аякларда кан оешу була, бу бөтен организмның һәм бигрәк тә баш миенең эш сәләте кимүгә китерә: игътибар кими, хәтер начарлана, хәрәкәтләрне координацияләү бозыла, фикерләү вакыты арта.

Мәктәпкәчә оешмалар өчен саф һавада йөрүнең озынлыгы, һава-климат шартларына бәйле рәвештә, турыдан-туры оешма тарафыннан билгеләнә.