Эшкә урнашканда электрон хезмәт кенәгәсен ничек файдаланырга?

Бу мәгълүмат тиешенчә расланган кәгазьдә  яки электрон документ формасында (эш бирүченең көчәйтелгән квалификацияле электрон култамгасы булганда) бирелә. Хезмәт килешүе туктатылган көнне электрон хезмәт кенәгәсеннән мәгълүмат бирү мөмкин түгел, мәсәлән, хезмәткәр эш урынында юк икән, эш бирүче  хезмәткәренә кәгазьдә почта аша заказлы хат белән мөрәҗәгать итәргә тиеш.

Хезмәт эшчәнлеге турында мәгълүмат эш бирүче тарафыннан эштән киткәндә генә түгел, эш вакытында да бирелергә мөмкин. Мәгълүматларны тапшыру срогы-хезмәткәр гариза биргән көннән өч эш көненнән дә артмый.

Үзенең электрон хезмәт кенәгәсеннән, шул исәптән СТД-ПФР формасы буенча электрон рәвештә мәгълүмат алырга мөмкин. Хезмәт эшчәнлеге турында электрон Өземтә pdf-форматта формалаштырыла һәм РПФ ХМҮнең квалификацияле электрон имзасы белән көчәйтелгән раслана. Документны компьютерга яки мобиль җайланмага саклап калырга, бастырып чыгарырга яки электрон почта аша җибәрергә мөмкин.

Яңа эшкә кабул иткәндә электрон хезмәт кенәгәсен сайлаган гражданнар эш бирүчегә үзләренең хезмәт эшчәнлеге турында мәгълүматны бастырып чыгарылган рәвештә тапшыра алалар, шулай ук электрон почта аша җибәрә алалар. Тәкъдим ителгән мәгълүматларны эш бирүче, кирәк булганда, үз системасына кадрлар исәбенә күчерә.

Электрон хезмәт кенәгәсе турында тулырак мәгълүмат Россия Федерациясе Пенсия фонды сайтының шул ук исемдәге бүлегендә урнаштырылган.

[*] Форма, тутыру тәртибе Россия Хезмәт министрлыгының 20.01.2020 ел, № 23н боерыгы белән расланган «Эш бирүче тарафыннан бирелә торган хезмәт эшчәнлеге турында мәгълүмат формасын, хезмәт эшчәнлеге турында мәгълүмат бирү формаларын һәм аларны тутыру тәртибен раслау турында» (алга таба – 23н боерыгы).

** Тутыру формасы, тәртибе № 23н боерыгы белән расланган.