Көзге авыл хуҗалыгы ярминкәләре сезоны

2021 елның 26 октябре, сишәмбе

Яр Чаллы шәһәрендә 11 сентябрьдән «Уңыш-2021» көзге авыл хуҗалыгы ярминкәләре сезоны ачылды. Һәр шимбә көнне өч мәйданчыкта: «Южный» агросәнәгать паркында, Яңа шәһәрдә урнашкан ипподром янында, Тукай исемендәге яр буенда урнашкан «Строитель» стадионыннан ерак түгел ГЭС бистәсендә шәһәр халкы һәм шәһәр кунаклары Татарстан Республикасы районнарының фермер хуҗалыклары продукциясен арзан бәяләрдән сатып ала алалар.

23 октябрьдә, узган шимбәдә, Менделеев районы ярминкәдә катнашты. Менделеев районының иҗат коллективлары (Ижау, Камай, Монай, Тойгуҗа авыл мәдәният йортлары, Сәйтәк авылы клубы, Автоклуб хезмәткәрләре) төрле жанрдагы бик күп матур номерлар әзерләделәр