"Мәдәни кешеләр» КВН уеннарында Гран-при яулады
Кичә Мәдәният сараенда прокуратура органнары оешуга 300 ел тулуга багышланган КВН уеннары узды.
Шәһәр прокуроры Ришат Шакиров кубогына үткәрелгән КВН уенында 4 команда катнашты: мәдәният идарәсе «Мәдәни кешеләр», Мәгариф идарәсе «Локоть в меле», «Борщ» яшьләр эшләре һәм спорт идарәсе һәм хокук саклау органнары командасы «На согласовании».
Шунысын да билгеләп үтәргә кирәк, КВН уеннарының жюри составына Башкарма комитет җитәкчесе Радмир Беляев, район прокуроры Ришат Шакиров,"Аммоний" АҖ профкомы рәисе Рәйхан Сабирҗанов, «Менделеевские новости» газетасының баш мөхәррире Джулия Искәндәрова һәм Беренче каналдагы «Голос-4» телепроектында катнашучы,Лариса Долина эстрада-джаз сәнгате кафедрасы укытучысы Юлия Шегай керде.
Уен нәтиҗәләре буенча Гран-прины «Мәдәни кешеләр» командасы яулады. Кубокны аларга Башкарма комитет җитәкчесе Радмир Беляев һәм Менделеев районы прокуроры Ришат Шакиров тапшырды. Чара ахырында тамашачылар өчен Мәскәүдән килгән кунак Юлия Шегай үзенең музыкаль бүләген бүләк итте. Фоторепортаж: https://vk.com/album-82570344_279992285 к