Халыкны социаль яклау - безнең социаль сәясәтебезнең мөһим юнәлеше
Башкарма комитет җитәкчесе Радмир Беляев Менделеев районының социаль яклау бүлеге эше белән танышты.
Радмир Илдар улы социаль яклау бүлеге җитәкчесе Фаина Козырева һәм хезмәткәрләр белән учреждение территориясен һәм бүлмәләрен карап чыктылар.
Очрашуда билгеләп үтелгәнчә, киләсе елга территориядән авария хәлендәге барлык агачларны җыеп алырга һәм барлык социаль учреждениеләрнең фасадын ремонтларга кирәк.
Алга таба без лекотека бүлмәсен (мөмкинлекләре чикләнгән балалар өчен), физиотерапевтика кабинетын карадык. "Приютта балаларның яшәү шартлары тиешле дәрәҗәдә саклана"-, дип билгеләп үтте Радмир Илдар улы.
Бүгенге көндә приютта 31 бала бар. Учреждение башлыгы сүзләренә караганда, приюттан соң барлык балалар да үз яки опекун гаиләләренә әйләнеп кайта, балалар йортларына эләкми.
Шулай ук, мохтаҗ булган һәр кешенең кирәкле ярдәм алу мөмкинлеге булсын өчен, өйдә эшләүчеләрне җәлеп итү буенча мөһим мәсьәләне билгеләделәр