Күп балалы әниләр өчен вакытыннан алда пенсия
Менделеев районында клиент хезмәте (бүлек хокукларында) 2013 елның 28 нче декабрендәге 400 нче номерлы «Иминият пенсияләре турында» гы Федераль законның 32 статьясы нигезендә, күп балалы әниләр, балалар санына карап, вакытыннан алда пенсиягә чыга ала, дип искәртә.
Шулай итеп, биш һәм аннан да күбрәк бала тапкан хатын-кызларга пенсия 50 яшькә билгеләнә. Өч бала анасы вакытыннан алда 57 яшендә, ә дүрт бала тапкан хатын – кыз 56 яшендә пенсиягә чыга ала.
2021 елдан дүрт бала тапкан һәм 8 яшькә җиткәнче тәрбияләгән хатын-кызлар 56 яшькә җиткәндә картлык буенча иминият пенсиясен рәсмиләштерә алалар. Бу хокук закон белән беркетелгән һәм 2019 елдан гамәлдә була, ләкин 2028 елга төгәлләнәчәк пенсия яшен арттыру буенча күчмә чорны исәпкә алып, бу хокуктан беренче тапкыр 1965 елда туган хатын-кызлар файдалана ала.
2023 елдан өч бала тапкан һәм 8 яшькә җиткәнче тәрбияләгән хатын-кызларга пенсия 57 яшькә билгеләнәчәк.
Әлеге төр пенсияне билгеләү өчен төп таләпләр булып тора:
15 ел иминият стажы;
пенсия коэффициентларының кирәкле саны (2021 елда-21);
8 яшькә кадәр баланы тәрбияләү;
балаларга карата ата-ана хокукыннан мәхрүм итү яки уллыкка алуны гамәлдән чыгару факты булмау.
Ике һәм аннан да күбрәк бала тапкан хатын-кызлар да пенсиягә иртәрәк чыга ала. Әгәр әниләрнең иминият стажы 20 елдан да ким булмаган һәм ерак төньяк районнарында 12 календарь ел эшләсәләр яки аларга тиңләштерелгән урыннарда 17 календарь ел эшләсәләр, аларга пенсия 50 яшь тулганчы билгеләнергә мөмкин.