Салымнарны өченче затлар өчен түләргә мөмкин

Салымнарны үзең өчен генә түгел, башка физик затлар — ир белән хатын, ата-аналар, балалар өчен дә түләргә мөмкин. Башка кеше өчен теләсә нинди салымнар, шулай ук пенялар һәм алар буенча штрафлар түләргә мөмкин. Моннан тыш, агымдагы чор өчен дә, узган еллар өчен дә салымнар буенча бурычларны түләргә мөмкин.

Исегезгә төшерәбез, өченче зат өчен салым түләү 2016 нчы елның 30 нчы ноябрендәге  401 нче номерлы Федераль закон белән башка затларга рөхсәт ителде, ул Россия Федерациясе Салым кодексының 45 статьясы нигезләмәләренә үзгәрешләр кертте. Юридик затлар шулай ук үз счетларыннан башка оешмалар өчен салым күчерә алалар, ә җитәкчеләр компаниянең салым бурычларын үз акчалары хисабына түли алалар. Шулай ук түләүченең «үз» салымнарын түләргә карар иткән сәбәпләре дә мөһим түгел.

Өченче зат өчен салым түләү тәртибе үзе өчен салым күчергәндәге кебек үк. Моны теләсә нинди уңайлы ысул белән — кулдан, банк картасы яки исәп-хисап счеты белән эшләргә була.

Мөһим! Өченче затлар өчен салым түләгәндә бердәнбер шарт-түләү документларындагы реквизитларны дөрес итеп күрсәтү. Шулай итеп, өченче затлар өчен түләү өчен исәп-хисап документларын рәсмиләштергәндә әлеге затларның мәгълүматларын күрсәтергә кирәк: «ИНН " кырында салым түләүченең   ИНН ы күрсәтелә. Түләүче-физик затның ИНН булмаган очракта ноль («0») күрсәтелә. Шул ук вакытта «Код " кырында исәпләүнең уникаль идентификаторын күрсәтергә кирәк. «Түләүче» кырында салым түләү буенча бурычлары үтәлүче физик затның фамилиясе, исеме, әтисенең исеме турында мәгълүмат күрсәтелә.

Өченче затлар өчен салым түләгәндә нюанс бар. Башка кеше өчен түләргә була, тик артык түләүне кире кайтарырга яки аны башка салым хисабына исәпләргә  кем өчен түләнгән, шул кеше генә эшли ала.. Түләгән кеше бюджеттан акча таләп итә алмый яки алар белән ничектер эш итә алмый.